សៀមបញ្ជូនរថក្រោះ និងកងទ័ពបន្ថែមដាក់នៅមុខច្រកតាផាវ ទ័ពខ្មែរត្រៀមស្វ័យការពារទឹកដី
ស្ថានការណ៍នៅតាមបណ្តោយព្រំដែនខ្មែរ-សៀម កំពុងតែមានការប្រុងជើងការរៀងៗខ្លួន រវាងកង
ទ័ពនៃប្រទេសទាំងពីរ ខណៈពេលដែលសៀម បានបញ្ជូនរថក្រោះ និងកងទ័ពរបស់ខ្លួនបន្ថែមទៀត មកដាក់
ពង្រាយ និងចល័តទ័ពតាមបណ្តោយព្រំដែន ក្បែរតំបន់ប្រាសាទព្រះវិហារ ។
បើតាមសេចក្តីរាយការណ៍ពីមន្ត្រីយោធាជាន់ខ្ពស់មួយរូបបានឲ្យដឹងថា សៀមបានបញ្ជូនកងទ័ព និង
រថក្រោះរួមទាំងសព្វាវុធ មកដាក់នៅមុខតំបន់ច្រក តាផាវ កាលពីព្រឹកថ្ងៃទី២២ ខែកក្កដា ឆ្នាំ២០០៩ ដែល
ច្រកតាផាវ នេះ មានចម្ងាយប្រមាណជាង ៥គីឡូម៉ែត្រ ពីប្រាសាទព្រះវិហារ ។
មន្ត្រីយោធាដដែលបានបន្តថា កងទ័ព និងរថក្រោះសៀម ដែលបញ្ជូនមកដាក់បន្ថែម នៅក្បែរច្រក
តាផាវ គឺមានចម្ងាយជាង៥០ម៉ែត្រ ពីច្រកតាផាវ ។ ក៏ប៉ុន្តែរហូតមកដល់រសៀលថ្ងៃទី ២២ ខែ កក្កដា កង
ទ័ពសៀមនិងរថក្រោះ ដែលបានបញ្ជូនមកចំណុចច្រកតាផាវមិនហ៊ានរុលចូលមកក្នុងទឹកដីខ្មែរទេ។
បន្ទាប់ពីសៀមបានបញ្ជូនទ័ព និងរថក្រោះមកក្បែរច្រកតាផាវ កងទ័ពកម្ពុជាបានត្រៀមទប់ទល់និង
ប្រុងជើងការ ដើម្បីស្វ័យការពារបូរណភាពទឹកដីជាមួយប្រទេសឈ្លានពាន ។
លោកឧត្ដមសេនីយ៍ ជា តារា មេបញ្ជាការសមរភូមិមុខប្រចាំនៅតំបន់ប្រាសាទព្រះវិហារមិនអាច
សុំការអត្ថាធិប្បាយបានទេ ដោយទូរស័ព្ទចូលពុំមានអ្នកទទួល ។ រីឯលោកឧត្ដមសេនីយ៍ ស្រី ឌឹក មេបញ្ជា
ការកងពលអន្តរាគមន៍លេខ៣ ប្រចាំការនៅប្រាសាទព្រះវិហារក៏ពុំអាចសុំការអត្ថាធិប្បាយបានទេ ដោយ
ទូរស័ព្ទចូលពុំមានអ្នកលើកទូរស័ព្ទ ។
ចំណែកលោក ឈុំ សុជាតិ អនុរដ្ឋលេខាធិការ និងជាអ្នកនាំពាក្យក្រសួងការពារជាតិក៏ពុំអាចសុំការ
អត្ថាធិប្បាយបានដែរ ៕
Source: http://www.ksn-news.com/
Currently have 0 comments: